विद्यालयले सांस्कृतिक विविधता, स्थानीय परिकारको संरक्षण तथा विद्यार्थीको सिर्जनात्मक सीप प्रदर्शन गर्ने उद्देश्यले महोत्सव आयोजना गर्न लागेको हो। महोत्सवमा वडा भित्र अवस्थित सबै विद्यालयका विद्यार्थी, शिक्षक–स्टाफ तथा स्थानीय समुदायको सहभागिता रहने विद्यालयले जनाएको छ। बी.व्य.स. अध्यक्ष तथा वडा अध्यक्ष राजकुमार पन्थीका अनुसार “खाना महोत्सवजस्ता कार्यक्रमहरूले विद्यार्थीमा आत्मविश्वास, सामाजिक सीप तथा स्थानीय संस्कृतिप्रति गौरवबोध बढाउन मद्दत गर्दछ। वडा भित्रका सबै विद्यालय, अभिभावक तथा समुदायका महानुभावहरूलाई सक्रिय सहभागिताको लागि हार्दिक अनुरोध गर्दछु,” वडा अध्यक्ष पन्थीले बताउनुभयो।

प्रधानाध्यापक कृष्णप्रसाद खनालका अनुसार यो महोत्सव विद्यार्थीद्वारा तयार पारिएका घरेलु परिकारदेखि आधुनिक फुड–स्टलसम्मका विविधता प्रस्तुत गर्ने खुला मञ्च हो। विद्यालय–समुदाय सहकार्यको एउटा नमुना रूपमा यसलाई अझ प्रभावकारी बनाउने लक्ष्य राखेका छौँ,” प्रधानाध्यापक खनालले बताउनुभयो।

महोत्सवमा विद्यार्थीले उत्पादन गरेका विभिन्न परिकार, सांस्कृतिक प्रस्तुति, मनोरञ्जनात्मक स्टल तथा स्थानीय पहिचान झल्काउने सामग्रीहरू प्रदर्शनी हुनेछन्। मंसिर २६ गते, शुक्रबार विद्यालय प्रशासनले पालिका कर्मचारी बिध्यालयहरु शिक्षक बिध्याथी , समुदाय सबैमा चुले निम्तो दिँदै सक्रिय उपस्थितिको आग्रह गरेको छ।