पाल्पा । पाल्पामा पालिका स्तरीय डाउन टाउन नकआउट क्रिकेट प्रतियोगिता सञ्चालन हुने भएको छ । पाल्पाको टुँडीखेल मैदानमा पालिका स्तरीय क्रिकेट प्रतियोगितासञ्चालन हुने भएको हो ।
लियो क्लब अफ पाल्पाको आयोजनामाा यही मंसिर २६ गते देखि २९ गते सम्म क्रिकेट प्रतियोगिता सञ्चालन हुने भएको क्लबका अध्यक्ष विक्रम घिमिरेले जानकारी दिनुभयो । प्रतियोगितामा प्रथम हुनेले ५० हजार, दोश्रो हुनेले २५ हजार, शिल्ड, मेडल र प्रमाणपत्र प्राप्त गर्नेछन् । ५ हजार रुपैंया दर्ता शुल्क लाग्ने प्रतियोगिता नकआउट सिस्टममा सञ्चालन हुने छ ।
सुरुवाती खेलहरु १२ ओभर, सेमिफाईनल १५ ओभर र फाईनल २० ओभरको हुने क्लबले जनाएको छ । प्रतियोगिता पालिका स्तरीय भएपनी एक पालिका बाट एक भन्दा बढी टिम सहभागी हुन पाईने छ ।
प्रतियोगितामा सहभागी हुन यही मंसिर १८ गते सम्म दर्ता गर्नुपर्ने आयोजक क्लबले जनाएको छ ।
