पाल्पा । माथागढी गाउँपालिका वडा नं. ३ कसेनीको अगहनी सिमलघाट स्थित खोलामा एक यूवक मृत अवस्थामा फेला परेका छन् ।
माथागढी ३ सिमलघाट बस्ने हुम बहादुर घर्तीको अन्दाजी २८ वर्षिय छोरा निल प्रसाद घर्ती मृत अवस्थामा फेला परेको ३ नं. वडाका वडाध्यक्ष तेज बहादुर घर्तीमगरले जानकारी दिनुभयो । खोलामा डुविरहेको अवस्थामा स्थानीयबासीले देखेर प्रहरीलाई खबर गरेको वडाध्यक्ष घर्तीमगरले जानकारी दिनुभयो ।
शवलाई पोष्टमार्टमको लागि जिल्ला अस्पताल पाल्पा पठाईएको जिल्ला प्रहरी कार्यालय, पाल्पाका प्रहरी नायब उपरिक्षक तथा सुचना अधिकारी सुनिल मल्लले जानकारी दिनुभयो । आज दिउँसो पौने १२ बजेको समयमा खोलामा शव भेटिएको प्रहरीले जनाएको छ ।
