पाल्पा । होटल पौवा पाल्पाले दशैंको दिन समेत सेवा दिने भएको छ । होटल पौवा पाल्पाले ग्राहकको आवश्यकता महसुस गर्दै दशैंको दिन समेत सेवा दिने भएको हो ।
पाल्पा शाखाका प्रमुख यदु भट्टराईका अनुसार चाडवाडको बेला ग्राहकहरुलाई होटल नपाईने समस्या पर्ने भएकाले होटल पौवाले दशैंको दिन समेत सेवा दिने बताउनुभयो । “चाडवाडका दिन विभिन्न समस्याले ग्राहकलाई होटल आवश्यकता पर्न सक्छ ।” उहाँले भन्नुभयो । “पाल्पा आएका ग्राहकहरुले होटल नपाएर दुख नपाउन् भन्ने हाम्रो चाहना हो ।” आफन्तको घरमा पाहुना जाँदाझैं जस्तै गरी आतिथ्यता र सत्कार दिने प्रयास होटल पौवाले गर्दै आएको भट्टराईले बताउनुभयो ।
होटल पौवा पाल्पाकी कर्मचारी सञ्जु कार्कीले यसपालीको दशैंमा टिका नभएर पाल्पा घुम्न आउने ग्राहकको आवश्यकतालाई मध्यनजर गर्दै दशैंको दिन समेत होटल खुल्ला राख्ने निर्णय गरिएको बताउनुभयो । कार्कीले ग्राहकको आवश्यकता र चाहना नै होटल पौवाको पहिलो प्राथमिकता भएको बताउनुभयो ।
होटल पौवाले नेपालमा मनाईने हरेक पर्व र सांस्कृतिक महत्वका दिनहरुमा पर्व अनुसारको परिकार ग्राहकहरुलाई खुवाउने र प्राथमिकताका आधारमा होटल खुल्ला गर्ने गरिरहेको छ । पौवाको पाल्पा सहित रुपन्देहीको बुटवल र भैरहवा, कपिलवस्तु, दाङको घोराही, लमही र भालुवांङ, गुल्मी, सुदुरपश्चिमको धनगढी, कर्णाली प्रदेशको जुम्ला र गण्डकी प्रदेशको पोखरामा शाखा सञ्चालनमा छन् ।
