पाल्पा । सञ्चारिका समुह पाल्पाको अध्यक्षमा सक्रिय पत्रकार सिता डोटेल चयन हुनुभएको छ । तानसेनमा सञ्चालित महिला पत्रकारहरुको भेलाले डोटेललाई अध्यक्षमा चयन गरेको हो ।
भेलाले डोटेलको अध्यक्षतामा ११ सदस्यिय कार्यसमितिको पुर्नगठन गरेको हो । समितिको उपाध्यक्षमा गुणवती केसि, महासचिवमा रिमा सोमै, सचिवमा रुपा थापा र कोषाध्यक्षमा बबिता विस्ट चयन हुनुभएको हो । त्यस्तै सदस्यहरुमा सिर्जना थापा, प्रेरणा नेपाल, मिना कुमाल, पवित्रा पराजुली, सिता गौतम र रमा भण्डारिलाई चयन हुनुभएको छ ।
भेलाले गिता ज्ञवाली, मन गैरे र जमुना पाण्डे लाई सल्लाहकारमा चयन गरेको छ । भेलामा समितिको कार्ययोजना र जिम्मेवारी बाँडफाँट समेत गरेको छ । नवनिर्वाचित अध्यक्ष डोटेलले महिला पत्रकारहरुको क्षमता अभिवृद्धि गरि पत्रकारिता क्षेत्रमा महिलाहरुलाई दिर्घकालिन रुपमा टिक्ने वातावरण निर्माण गर्ने बताउनुभयो ।
लामो समय देखि पाल्पाको पत्रकारिता क्षेत्रमा क्रियाशिल पत्रकार डोटेलले पत्रकारिता क्षेत्रमा महिलाहरुको नेतृत्व समेत गर्दै आउनुभएको छ ।
