पाल्पा । किसान माध्यमिक विद्यालय माथागढी ४ झडेवाको वार्षिकोत्सव सम्पन्न भएको छ । विद्यालयको ६३ औं तथा किसान बहुमुखी क्याम्पसको १२ औं वार्षिकोत्सव सम्पन्न भएको हो ।
वार्षिकोत्सव समारोहका प्रमुख अथिति माथागढी गाउँपालिका अध्यक्ष यम बहादुर चिदीले विद्यालयले शैक्षिक सुधार गर्दै गईरहेको भन्दै विद्यालयको भौतिक तथा शैक्षिक सुधारका लागि गाउँपालिकाले प्राथमिकताका साथ काम गरिरहेको बताउनुभयो । अध्यक्ष चिदीले गाउँपालिकाककै धरोहरको रुपमा रहेको किसान माध्यमिक विद्यालयले शैक्षिक क्षेत्रमा नुमना काम गरिरहेको बताउनुभयो ।
कार्यक्रमका बिशिस्ट अतिथि गाउँपालिका उपाध्यक्ष बिष्णुमाया लुङ्चेले ग्रामिण क्षेत्रमा रहेर विद्यालयले नतिजा उन्मुख शिक्षण गरिरहेको भन्दै थप विकासको लागि गाउँपालिकाले योजना बनाएर काम गरेको बताउनुभयो । गाउँपालिकाका प्रवक्ता तथा वडा नं. ४ का वडाध्यक्ष शंकर दर्लामीले विद्यार्थी, शिक्षक, अभिभावक, स्थानीय तह र जनप्रतिनिधिहरुको समन्वयले नै शैक्षिक क्षेत्र सुधार हुने बताउनुभयो ।
समारोहमा निवर्तमान प्रधानाध्यापक तुला बहादुर सारु, छिमेकी विद्यालयका प्रधानाध्यापक नीर बहादुर सारुलगाएतले विद्यालयलाई शैक्षिक सुधारको सुभकामना व्यक्त गर्नुभयो । समारोहमा विभिन्न विधामा सफल विद्यार्थीहरुलाई पुरस्कृत समेत गरिएको विद्यालयले जनाएको छ ।
