पाल्पा । तानसेन नगरपालिका वडा नं. ९ दमकडामा खाना महोत्सव हुने भएको छ । वडा नं. ९ ले अघिल्लो वर्ष जस्तै यसवर्ष पनि खाना महोत्सव गर्ने भएको हो ।
खाना महोत्सवमा राष्ट्रिय कलाकार बद्री पंगेनी र स्थानीय कलाकारहरुले प्रस्तुति समेत दिने तानसेन नगरपालिका वडा नं. ९ का वडाध्यक्ष राजेशकुमार अर्यालले जानकारी दिनभयो । वडा नं. ९ का माण्डब्य टोल विकास संस्था, प्रगतीटोल विकास संस्था, रानीचुँडी टोल विकास संस्था, नमुनाबस्ती टोल विकास संस्था र शान्ति टोल विकास संस्थाको आयोजनामा खाना महोत्सव हुन लागेको हो ।
पर्यटन प्रवद्र्धन र विकास : दिगो संवृद्धिको आधार भन्ने नारा सहित यही माघ २७ गते तानसेन ९ दमकडामा खाना महोत्सव हुन लागेको हो । खाना महोत्सवमा पाल्पाली चुकाउनी, आलुको अचार सहित विभिन्न जातजातिका परिकार हुने आयोजकले जनाएको छ ।
खाना महोत्सवको प्रवद्र्धक पर्यटन विकास परिषद, बुटवल र संरक्षक नातसेन नगरपालिका ९ नं. वडा कार्यालय रहेको छ ।
