विजयकुमार बौडेल –
२० असोज – तानसेन ९ दमकडा खेल मैदानमा पाल्पा च्याम्पियन्स ट्रफी क्रिकेट प्रतियोगिता हुने भएको छ । दमकडा क्रिकेट क्बलद्धारा तेह्रौं संस्करणको पाल्पा च्याम्पियन्स ट्रफी क्रिकेट प्रतियोगिता लिग कम नकआउट चरणमा आयोजना गरिने भएको हो ।
स्थानीय स्तरमा लुकेर रहेका खेलाडीको प्रतिभालाई उजागर गर्न प्रतियोगिता आयोजना गरिएको आयोजक दमकडा क्रिकेट क्लबका अध्यक्ष छवीलाल भट्टराईले जानकारी दिनुभयो । यही कात्तिक १८ गतेदेखि सुरु हुने प्रतियोगितामा ८ टिम सहभागि हुने भएका छन् ।
प्रतियोगिता प्रथम हुने टिमलाई ५० हजार ट्रफि मेडल र प्रमाणपत्र, द्वीतीय हुने टिमलाई २५ हजार नगद मेडल र प्रमाणपत्र, म्यान अफ दी सिरिजलाई ५ हजार र प्रत्येक म्यान अफ दी म्याच तथा उत्कृष्ट विधालाई २ हजार रुपैंयाका दरले प्रदान गरिने दककडा क्रकेट क्लबका बोर्ड मेम्बर अच्युत पाण्डेले बताउनुभयो ।
प्रतियोगितामा निष्पक्ष खेल्ने टिम, म्यान अफ द म्याच, म्यान अफ द सिरीज, वेष्ट क्याच, उत्कृष्ट युवा खेलाडीलाई ट्रफि मेडल र प्रमाणपत्रसहित सम्मान गर्ने आयोजकले जनाएको छ । प्रतियोगितामा मैदान बाहिर बल क्याच गर्ने दर्शकले १ हजार रुपैंया पुरस्कार प्राप्त गर्ने प्रतियोगिताका कोअर्डिनेटर आदित्य पाण्डेयले जानकारी दिनुभयो ।
