विजयकुमार बौडेल –
१२ चैत्र – रिब्दीकोट गाउँपालिकाले पालिका भित्रका जेष्ठ नागरिकहरुलाई लुम्बिनी भ्रमण गराएको छ । गाउँपालिकाले पालिका भित्रका ७२ जना जेष्ठ नागरिकलाई लुम्बिनी भ्रमण गराएको हो ।
गाउँपालिकाले जेष्ठ नागरिकहरुलाई ओसो आश्रम ध्यान योगा सहित लुम्बिनी भ्रमण गराएको हो ।
पालिकाले भ्रमण गराउँदा जेष्ठ नागरिकहरु निकै खुशी भएका छन् । उनीहरुले अन्य पालिकाले पनि यसलाई अनुसरण गर्नुपर्नेमा जोड दिएका कार्यपालिका सदस्य तथा सामाजिक विकास समिति संयोजक सुनिल बस्यालले बताए ।
यस भ्रमणले जेष्ठ नागरिकहरुलाई स्फूर्ति मिलेको पालिका अध्यक्ष नारायण बहादुर कार्कीले बताउनुभयो । जेष्ठ नागरिक इतिहासको ऐना भएकोले उहाँहरुको सल्लाह सुझावलाई शिरोधार गर्ने र उहाँहरुलाई खुसी बनाउँदा आशिर्वाद मिल्ने कार्कीको भनाई छ । जेष्ठ नागरिकको लागि विशेष बजेटको ब्यवस्था गरिएको र उहाँहरुकै चाहना अनुसार भ्रमणमा लगिएको बताउँदै कार्कीले सबैको बेवास्तामा परेका जेष्ठ नागरिकलाई भ्रमण सम्झनायोग्य हुने बताउनुभयो ।
