बैंकिङ खबर – इन्फिनिटी लघुवित्त वित्तीय संस्था लिमिटेडले शाखा कार्यालय नौविसे शाखामा समुह प्रमुख गोष्ठी तथा वित्तीय साक्षरता कार्यक्रम एक समारोहबीच सम्पन्न गरेको छ । कार्यक्रम नौविसे एग्रो रिर्सोटमा ९८ जना समुह अध्यक्षहरुको समुपस्थितिमा सम्पन्न भएको थियो ।
कार्यक्रमका प्रमुख अतिथि कर्जा तथा अनुगमन विभाग भिमसेन माझीले वित्तीय साक्षरता तथा आधुनिक डिजिटल प्रविधि तथा मोवाईल बैंकिङ्ग संग सम्वन्धि विषयमा प्रशिक्षित गर्नुभएको थियो । शाखामा भएका कुल १३० वटा समुह मध्येबाट ३ वटा समुह पुरस्कृत भएको र उत्कृष्ट व्यवसायी सदस्यलाई समेत सम्मान गरिएको कार्यक्रमका प्रमुख अतिथि भिमसेन माझीले बताउनुभयो ।
कार्यक्रममा उपस्थित सम्पूर्णलाई स्वागत तथा वित्तीय संस्थाको वर्तमान अवस्थाको बारेमा शाखाका शाखा प्रमुख कविता कुवरले स्पष्ट पार्नु भएको थियो भने कार्यक्रम सञ्चालक शाखा कर्मचारी खिमा अर्यालले गर्नुभएको थियो । साथै, कार्यक्रम विन्दा भण्डारीको सभापतित्वमा सञ्चालन भएको थियो ।
