पाल्पा जिल्ला स्तरीय राष्ट्रपति रनिङ्ग शिल्ड माथागढीको सराईमा सुरु

पाल्पा – पाल्पामा जिल्ला स्तरीय १४ औं राष्ट्रपति रनिङ्ग शिल्ड प्रतियोगिता माथागढीको सराईमा सुरु भएको छ । दुई नगरपालिका र ८ गाउँपालिका स्तरीय प्रतियोगितबाट छनौट भएका खेलाडीबीच जिल्लाा स्तरीय प्रतियोगिता भएको हो ।

प्रतियोगितामा छात्राछात्रबीच एथलेक्टिक्स, भलिबल, कबड्डी, कराते, तेक्वान्डोलगायतका खेल हुनेछ । जिल्ला स्तरीय प्रतियोगितामा प्रथम हुने खेलाडी र समूह प्रदेशस्तरीय राष्ट्रपति रनिङ्ग शिल्ड प्रतियोगितामा सहभागी हुनेछन् । आइतबारबाट सुरु भएको खेलकुद प्रतियोगितामा प्रतिनिधिसभा सदस्य नारायणप्रसाद आचार्यले उद्घाटन गर्नुभयो ।

खेल उद्घाटन गर्नुहुँदै प्रतिनिधि सभाका सदस्य आचार्यले पालिका स्तरमा रहेका खेलमैदानको स्तरउन्नति गर्दै सदरमुकाम केन्द्रीत खेल प्रतियोगितालाई ग्रामीण क्षेत्रमा आयोजन गर्न आफ्नो पहल रहने बताउनुभयो । माथागढी क्षेत्रको माडी क्षेत्रलाई समेटेर उच्च स्तरको मैदान निर्माण गर्न खेलकुद प्रतियोगिताले सहयोग गर्ने उहाँले उल्लेख गर्नुभयो ।

उद्घाटन समारोहमा विभिन्न समूहबाट बाजागाजा र झाँकीसहित र्यालीले सराई बजार परिक्रमा गरेको थियो । कार्यक्रममा जिल्ला समन्वय समितिका प्रमुख टंकनाथ खनाल, माथागढी गाउँपालिकाका अध्यक्ष यमबहादुर चिदी, पाल्पाका प्रमुख जिल्ला अधिकारी जगन्नाथ पन्त, लुम्विनी प्रदेश आर्थिक मामिला मन्त्रालयका सचिव दिपक नेपाल, माथागढी गाउँपालिका वडा नं. ३ का अध्यक्ष तेजबहादुर घर्तीमगर, नेपाल पत्रकार महासंघ पाल्पा शाखाका अध्यक्ष रेखीराम रानालगायतले प्रतियोगिता सफलताको शुभकामना दिनुभएको थियो ।

उद्घाटन कार्यक्रमको जिल्ला खेलकुद विकास समितिका कार्यबहाक अध्यक्ष दिपक घिमिरेको अध्यक्षता, सुनिल कार्कीको स्वागत, भरत शर्माको संचालनमा भएको थियो ।

सम्बन्धित खवर

ताजा समाचार

लोकप्रिय