विजयकुमार बौडेल –
पौष २३ – माथागढी गाउँपालिकाको स्वास्थ्य शाखाले कसेनीका भुख्याहा कुकुरहरुलाई रेविज विरुद्धको खोप लगाएको छ ।
गाउँपालिकाको स्वास्थ्य शाखाले कसेनीमा छाडा रुपमा रहेका भुस्याहा कुकुरहरुलाई पक्रेर रेविज विरुद्धको खोप लगाएको हो । स्थानीय पशु प्राविधिक र स्थानिय जनप्रतिनिधीहरुको सक्रियतामा कुकुरहरुलाई रेविज विरुद्धको खोप लागईएको गाउँपालिकाले जनाएको छ ।
माथागढीको कसेनी क्षेत्रमा गएको कार्तिक ४ गते एकै दिन ३३ जना मानिसलाई बौलाहा कुकुरले टोकेर घाईते बनाएको वडाध्यक्ष तेज घर्तीमगरले बताउनुभयो । फेरी पनी त्यस्तै विपत्ति नआवस् भनेर समयमै सजगता अपनाएको वडाध्यक्ष घर्तीमगरले बताउनुभयो ।
गाउँपालिका अध्यक्ष यम बहादुर चिदीले गएको समयमा माथागढीमा भुस्याहा कुकुरको कारणले नराम्रो घटना घटेको भन्दै त्यसको निराकरणका लागी गाउँपालिकाले यो कार्यक्रम सञ्चालन गरेको बताउनुभयो ।
