नेपाल टी-२० लिगमा सहभागिता टिम लुम्बिनी अल स्टार्सले आफ्नो आधिकारिक लोगो र वेबसाइट सार्वजनिक गरेको छ । नेपाल क्रिकेट संघको आयोजनामा हुन लागेको प्रतियोगितामा सहभागि ६ टिममध्ये लुम्बिनी अल स्टार्स एक टिम हो । अमेरिकामा रहेका नेपाली र पूर्व खेलाडीहरुले मिलेर यो टिम बनाएका हुन् ।
लुम्बिनी अल स्टार्सको अफिसियल लोगो
चार जना लगानीकर्ता रहेको लुम्बिनी अल स्टार्सको प्रमुखमा सञ्जय शर्मा रहेका छ । यस्तै अरु लगानीकर्तामा पूर्व क्रिकेटर बरदान चालिसे, आशिक तामाङ र उत्सव सिग्देल रहेका छन । लुम्बिनी अल स्टार्सले लुम्बिनी/बुटवल क्षेत्रको प्रतिनिधित्व गर्नेछ । नेपाल टी-२० लिग असोज ८ देखि कात्तिक ५ सम्म त्रिवि क्रिकेट मैदान कीर्तिपुरमा हुने छ ।
