विजयकुमार बौडेल –
चैज्ञ १६ – नेकपा एमाले तानसेन ९ दमकडामा एमाले वडा कार्यालय स्थापना भएको छ ।
वडा कार्यालयको उद्घाटन गर्दै एमाले तानसेन नगर अध्यक्ष गुरास आत्रेयले नेकपा एमाले नयाँ उर्जाका साथ अघि बढेकोले सोही अनुसार अघि बढ्न कार्याकर्तालाई आग्रह गर्नुभयो । उहाँले आउने स्थानीय तह निर्वाचन जित्ने योजना बनाएर लाग्न सुझाव दिनुभयो । कार्यक्रममा बोल्दै नगर अध्यक्ष आत्रेयले सबै खालका षडयन्त्रलाई चिर्न एमालेलाई निर्वाचन जिताउनु पर्ने बताउनुभयो ।
आत्रेयले कार्यक्रममा बोल्दै पार्टीलाई कमजोर बनाएर फाइदा लिन खोज्ने शक्ति सक्रिय भएका कारण मुलुकको कम्युनिष्ट आन्दोलनमा केही समस्या आएको भन्दै अहिले नेकपा एमालेमा साविकको एमालेका नेता कार्यकर्ताहरु मात्रै नरहेको स्मरण गराउँदै आजको एमाले एकता पछिको एमाले भएको भन्दै पार्टी अझ बढि सुदृढ बनाउदै सबैको मनोभावनालाई सम्बोधन गरेर पाटी अगाढि बढ्ने बताउनुभयो ।
कार्यक्रममा वडा नं. ९ का अध्यक्ष गणेश अर्यालले कम्युनिष्ट शक्ति एक ढिक्का भएर अगाढि बढ्न पार्टी नेता कार्यकर्तालाई निर्देशन दिनुभयो । अर्यालले नेताहरुबाट जतिसुकै धोका र षड्यन्त्र भएतापनी कुशल नेतृत्वको गर्दै कम्युनिस्ट आन्दोलन क्षतबिक्षत हुनबाट बँचाउने प्रतिवद्धता व्यक्त गर्नुभयो ।
