विजयकुमार बौडेल –
माघ १० – तानसेन नगरपालिका वडा नं १ को कार्यालय भवन सिलान्यास गरिएको छ ।
दुर्गामन्दिरको भवनमा अस्थाई रुपमा बसेको वडा कार्यालयलाई आफ्नै भवन नभएपछी भवन निर्माणका लागि सिलान्यास गरिएको हो । २ करोड रुपैंयाको लागतमा सुबिधासम्पन्न वडा कार्यालयको भवन बन्ने भएको हो ।
भवनको सिलान्यास गर्दै तानसेन नगरपालिकाका नगरप्रमुख अशोककुमार शाहीले तानसेनका कुनैपनी वडालाई कार्यालयका कारणले कार्यसम्पादन गर्न अप्ठेरो नहोस भनी वडा कार्यालय भवन बनाउन लागिएको बताउनुभयो । नगरप्रमुख शाहीले आफ्नो कार्यकाल भित्र सबै वडाहरुको आफ्नै सुबिधासम्पन्न भवन बनाउने बताउनुभयो ।
वडाध्यक्ष पोषकान्त बस्यालले निर्वाचिन भएपछी आफ्नै कार्यालय नहुँदा पटकपटक कार्यालय सरिरहन परेको दुखेसो व्यक्त गर्दै अब छिट्टै समस्या समाधान हुने विश्वास व्यक्त गर्नुभयो । वडा सदस्य दुर्गा नेपालीले सेवाग्राहीलाई सौचालयको समेत समस्या भएको भन्दै निकै अफ्ठेरोमा वडा कार्यालय चलेको बताउनुभयो ।
जग्गा छनौट समिती संयोजक ध्रुब खातीले सबैको सहयोगले वडा भवन बन्ने भन्दै कार्यालय बनेपछी सेवाग्राहिलाई सहज हुने बताउनुभयो । समिती सचिव तथा सेवाग्राही जयराम सापकोटाले कोभिडका बेला कार्यालय साँघुरो हुँदा संक्रमणको संभावना बढी भएको भन्दै नयाँ कार्यालय बन्दा समस्या समाधान हुने बताउनुभयो ।
