मानु हिस्की
२८ असार, पाल्पा । पाल्पामा अवैध वन्यजन्तु मृगसहित पाल्पामा ४ जना पक्राउ परेका छन् ।
बाग्लुङको बुर्तिबाङबाट बुटवलतर्फ जाँदै गरेको ध १ ज ४६५ नम्बरको बोलेरो पिकअपमा लुकाएको मृत मृग (राते) सहित ४ जना पक्राउ परेका हुन् ।
रिब्दीकोट गाउँपालिकाको हार्थोक बजारमा प्रहरीको चेकजाँचको क्रममा करिब ८ किलोको मृत मृग पिकअपको पछाडिको सिटमा लुकाई राखेको अवस्थामा फेला परेको प्रहरीले जनाएको छ ।
गाडीसहित चालक बाग्लुङ ढोरपाटनका रमेश भण्डारी, बाग्लुङ निस्दीखोलाका छम बहादुर मल्ल, नवलपरासी बर्दघाटका २९ को सुरेश थापा र अर्घाखाँची पाणिनिका मोबिन वलीलाई नियन्त्रणमा लिई अनुसन्धानका लागि डिभिजन वन कार्यालय पाल्पामा पठाईएको जिल्ला प्रहरी कार्यालय पाल्पाका सूचना अधिकारी प्रहरी नायव उपरीक्षक रामेश्वर त्वातीले जानकारी दिनुभयो ।