बगनासकाली गाउँपालिका वडा नं. ९ को चापपानी कृषी सञ्जालले उत्कृष्ट कृषक समुह सम्मान तथा पुरस्कार वितरण सम्पन्न गरेको छ ।
पुरस्कार तथा प्रशंसापत्र वितरण गर्दै गाउँपालिका अध्यक्ष कृष्ण प्रसाद बस्यालले कृषकहरुलाई समुहमा आवद्ध भई सामुहिक भावनाका साथ निर्वाहमुखी बाट व्यवसायिक कृषक बन्न आग्रह गर्नुभयो । अध्यक्ष बस्यालले उत्पादित बस्तुहरु विक्रिवितरणका लागी गाउँपालिकाले सहयोग गर्ने बताउनुभयो । वडाध्यक्ष थानेश्वर तिमिल्सेनाले वडा भित्र रहेका १९ वटा कृषक समुहहरु सबै परिचालित भई व्यवसायिक किसानहरुलाई वडाबाट सक्दो सहयोग हुने बताउनुभयो ।
वडा सदस्य कमलविक्रम खाँड, फत्त बहादुर सिंजाली लगाएतले समुहभित्र रही कृषकहरुले गरेको उत्पादनको प्रशंसा गर्नुभयो । यसै आर्थिक बर्षको स्विकृत कार्यक्रम अन्र्तगत ५० हजार रुपैंयाको लहरेबालीको विउविजन १९ वटा समुहलाई र ६० हजार रुपैंयाको अकबरे खुर्सानी ३ वटा समुहलाई वितरण गरिएको कृषी प्राविधिक निशा मरासिनीले जानकारी दिनुभयो ।
ब्रोकाउली खेती गरेका १० वटा कृषक समुह मध्ये चापपानी कृषक समुह उत्कृष्ट भई १० हजार रुपैंया नगद प्राप्त गरेको संजालका अध्यक्ष केशर बहादुर खाँडले जानकारी दिनुभयो ।
