सुनिल कार्की ।
लियो क्लब अफ पाल्पा दोस्रोले आफ्नो पहिलो कार्यक्रम शहिद दिवसको अवसरमा दिप प्रज्वलन गरि मनाएको छ । नेपालका पहिलो शहीद लखन थापा पार्कमा दिप प्रज्वलन गरि शहीदको सम्झना गरि दिवस मनाईएको हो । कार्यक्रममा लायन्स क्लब अफ पाल्पाकी अध्यक्ष शारदा नेपालले लियो क्लब अफ पाल्पाले पहिलो कार्यक्रमको रुपमा शहीदलाई सम्झेर गरेको कार्यक्रम निकै महत्वपुर्ण रहेको भन्दै आगामी दिनमा यस्तै खाले रचनात्मक काम गर्दै जान सुझाव दिनुभयो ।
यस्तै कार्यक्रमका विशिष्ट अथिति लायन्स क्लब अफ पाल्पाका एडभाइजर सुशिल प्रधानले लियो क्लब अफ पाल्पाले आगामी दिनमा लायन्ससँग समन्वय र सहकार्य गर्दै कार्यक्रम गर्दै जाने बताउनुभयो । कार्यक्रममा सहभागी लियो क्लबका सदस्यहरुले सामुहिक रुपमा शहीद लखन थापको शालिकमा दिप प्रज्वलन गरेका थिए ।
कार्यक्रमकी अध्यक्ष लियो क्लब अफ पाल्पाकी उपाध्यक्ष मनिषा गैरेले क्लबको स्थापना भएको एक महिनाको अवधिमै पहिलो कार्यक्रमको रुपमा सहिद दिवसको अवसरमा नेपालका प्रथम शहीद लखन थापा पार्कमा दिप प्रज्वलन गर्न पाउदा निकै गर्भ महशुस भएको बताउनुभयो ।
कार्यक्रममा लियो क्लब अफ पाल्पाका सदस्य अशोक पोखरेलको सञ्चालन,सचिव कमल ज्ञवालीको स्वागत र उपाध्यक्ष मनिषा गैरेको अध्यक्षतामा सम्पन्न भएको थियो ।
