पाल्पा । पाल्पामा अचानक विद्युत सर्ट हुँदा एक जनाको ज्यान गएको छ ।
पाल्पाको रैनादेवी छहरा गाउँपालिका वडा नं. ६ खुनधारामा अचानक विद्युत सर्ट हुँदा एक जनाको ज्यान गएको हो । विद्युत सर्ट हुँदा सोही स्थान बस्ने २७ बर्षिय दिल कुमारी पुन र ५२ बर्षिय झमान सिंह पुन घाईते भएका थिए । घाईतेहरुलाई यूनाईटेड मिसन हस्पिटल तानसेन ल्याएर उपचारको क्रममा दिल कुमारी पुनको ज्यान गएको हो ।
दिउँसो साढे १ बजेको समयमा विद्युत सर्ट हुँदा एक जनाको ज्यान गएको जिल्ला प्रहरी कार्यालय पाल्पाले जनाएको छ । घाईते झमान सिंह पुनको अवस्था सामान्य रहेको अस्पताल श्रोतले जनाएको छ । घटना सम्बन्धि थप अनुसन्धान भईरहेको प्रहरीले जनाएको छ ।
